Diyosa Ng Silangan

Kagandahan mo’y mistulang bituin
Tulad ng tala sa umaga ay nagniningning
Kahit nag-iisa’y kumikislap-kislap
Sinasamba ninuman maging sa mga ulap

Mata’y nangungusap
Parang sa awa humahangad
Mala-makopang mga labi
Kaypula, kaysarap hagkan; nakaka-imbi.

Mukhang, hugis-puso
Laging nagsusumamo
Kindat at ngiti
Umi-indak; nakakabighani.

Biloy ay kakambal ng buwang kabilogan
Nakakatawag pansin kahit sinuman
Ilong na maganda pinatangos ng kayumian
Ugaling maganda, maharlika sa katangi-an.

Diyosa ng silangan
Diwata ng kabataan.
Ikaw ay musa ng kariktan
Lakambini ng kayamanan.

@lcd 20 Aug -06