ANG SAMIN

ღ♥*✿*•♥ღ

Sud-onga inyong kaugalingon
Panamini inyong kahimtang
Tan-awa ang palibot
Kalat ang palibot
Unsay inyong nakita?
Kaguliyang
Taphaw nga hudyaka
Tutok sa unahan
Lantawa inyong kaugmaon
Unsay misalipod?
Di ba mga kalisod?
Bangon
Paninguha
Paningkamot
Kay matag tulo sa singot
Ang kusog sa pagpanlimbasog
Kaninyo may puruhan
Nga ang tanang pag-antos
Adunay kahupayan
Ngadto sa kalamposan.
Kab-ota ang langit
Tungas sa kinatas-an nga bukid
Ang panaw sa kinabuhi
Dili lalim apan dunay kinutuban.
Kalamposan!

Copyright@2014
Leah C. Dancel
All rights reserved
Australia
11/03/2014